Лекцыі ад экспертаў для бацькоў на фестывалі "Мама, тата, я - футбольная сям'я"

Рэспубліканскі сямейны фестываль па футболе, арганізаваны Асацыяцыяй "Беларуская федэрацыя футбола" прайшоў у многіх гарадах.

Ранняе дзяцінства - адзін з самых важных перыядаў развіцця мозгу чалавека. У гэты перыяд бяспечныя, любячыя і клапатлівыя адносіны з бацькамі або апекунамі могуць забяспечыць дзецям паўнацэннае развіццё, здароўе і абарону ад псіхалагічных праблем у будучыні.

Па меры сталення дзяцей мяняюцца і ўзаемаадносіны ў сям'і. Бацькам і апекунам патрабуюцца новыя навыкі і стратэгіі: напрыклад, рух у лічбавым свеце і ўменне падтрымліваць падлеткаў у бяспечным выкарыстанні прылад і анлайн-рэсурсаў.

У рамках спартыўнага фестывалю ЮНІСЕФ арганізаваў марафон кансультацый на тэму бацькоўства ў розных рэгіёнах краіны. На спецыяльнай пляцоўцы бацькі і апекуны маглі паслухаць лекцыі ад экспертаў, а дзеці - пагуляць з валанцёрамі ЮНІСЕФ і даведацца больш аб сваіх правах, інклюзіі і іншых важных тэмах.

Марафон стартаваў у траўні і працягнуўся ў чэрвені - у месяцы, які ЮНІСЕФ традыцыйна прысвячае адказнаму і пазітыўнаму бацькоўству. У гэты час мы па ўсім свеце звяртаем адмысловую ўвагу на ролю бацькоў і апекуноў у дабрабыце дзяцей.

За ўвесь час каманда ЮНІСЕФ разам з экспертамі пабывала ў Асіповічах, Наваполацку, Брэсце і Мазыры. У кожным горадзе праводзіліся міні-лекцыі ад спецыялістаў Цэнтра ранняга ўмяшання на розныя тэмы:

• як гаджэты ўплываюць на развіццё дзіцяці і як не дапусціць залежнасці ад тэлефонаў і планшэтаў
• як нетраўматычна для дзіцяці ўсталёўваць межы і правілы паводзін
• як распазнаваць прыкметы стрэсу ў дзіцяці і падтрымаць яго ці яе
• як карэктаваць харчовыя паводзіны дзіцяці

Дзякуючы зладжанай працы каманды і дапамозе валанцёраў задаволены засталіся і дзеці, і іх бацькі і апекуны!