Маладзёжны парламент Кастрычніцкага раёна горада Гродна

Апісанне парламента

Год заснавання: 2012
Колькасць членаў парламента: 24
Узрост чальцоў парламента: 15-17 гадоў

Маладзёжны парламент Кастрычніцкага раёна г. Гродна аб'ядноўвае актыўных прадстаўнікоў моладзі з лідэрскім патэнцыялам. У структуру парламента ўваходзяць пяць камісій:

• камісія па ўзаемадзеянні з грамадскімі арганізацыямі і развіцці валанцёрскага руху;
• камісія па грамадзянска-прававых пытаннях і прафілактыцы правапарушэнняў, прапагандзе здаровага ладу жыцця;
• камісія па адукацыі, школьным самакіраванні і падтрымцы дзіцячай і маладзёжнай ініцыятывы;
• камісія па працоўнай занятасці, прафесійнай арыентацыі, сацыяльнай абароне моладзі, развіццю прадпрымальніцтва;
• камісія па арганізацыі вольнага часу дзяцей і моладзі, папулярызацыі фізічнай культуры, спорту, турызму.

Далучыцца да парламента могуць:

• вучні 9, 10, 11 класаў школ, гімназій, ліцэяў;
• навучэнцы ўстаноў прафесійна-тэхнічнай адукацыі, сярэдняй спецыяльнай адукацыі;
• студэнты 1, 2-га курсаў вышэйшых навучальных устаноў;
• лідэры дзіцячых і маладзёжных грамадскіх арганізацый і аб'яднанняў Гродзенскага рэгіёна.

Каб стаць сябрам парламента, трэба прыняць удзел у выбарах: вылучыць сваю кандыдатуру, прадставіўшы біяграфію і праграму, правесці агітацыю выбаршчыкаў. Кандыдаты, якія атрымалі найбольшую колькасць галасоў у дзень выбараў, становяцца членамі парламента.

Выбары праходзяць адзін раз на два гады, ёсць магчымасць правядзення дадатковых выбараў раз на год.

Маладзёжны парламент дзейнічае на базе ДУА "ЦТДМ "Прамень" г. Гродна".