Моладзевы парламент Добрушскага раёна

Апісанне парламента

Год заснавання: 2017
Колькасць членаў парламента: 10
Узрост чальцоў парламента: 15-17 гадоў

Моладзевы парламент Добрушскага раёна аб'ядноўвае актыўных прадстаўнікоў моладзі. Гэта хлопцы з лідэрскім патэнцыялам і крэатыўнымі ідэямі, якія яны рэалізуюць у працы чатырох камісій:

• камісія па адукацыі, школьным самакіраванні і падтрымцы дзіцячых і маладзёжных ініцыятыў;
• камісія па ўзаемадзеянні з грамадскімі арганізацыямі і развіцці валанцёрскага руху;
• камісія па арганізацыі вольнага часу, папулярызацыі фізічнай культуры і прапагандзе ЗЛЖ;
• камісія па грамадзянска-прававых пытаннях і прафілактыцы правапарушэнняў.

Стаць сябрамі Моладзевага парламента могуць:

• вучні 9-11 класаў устаноў агульнай сярэдняй адукацыі;
• лідэры дзіцячых і маладзёжных грамадскіх арганізацый і аб'яднанняў Добрушскага раёна ва ўзросце 14 - 18 гадоў.

Вылучыць свайго кандыдата могуць калектывы вучняў 9-11 класаў, а таксама грамадскія аб'яднанні.

Выбары праходзяць у 2 этапы:

1. Фармуюцца камісіі і выбарчыя ўчасткі, кандыдаты ў дэпутаты вылучаюцца і рэгіструюцца ва ўстановах адукацыі. У заяўцы кожны кандыдат павінен прадставіць сваю біяграфію з фатаграфіямі, праграмныя тэзісы, магчымы відэазварот да выбаршчыкаў.
2. Перадвыбарная кампанія: стварэнне перадвыбарных плакатаў, заклікаў, улётак, выступленне кандыдатаў з праграмай будучай дзейнасці. Другі этап завяршаецца адзіным днём галасавання ў раёне.

Пратаколы аб правядзенні ўчастковых выбараў падаюцца ў раённую камісію. Пераможцамі на выбарах і сябрамі Моладзевага Парламента становяцца кандыдаты, якія набралі найбольшую колькасць галасоў на сваім выбарчым участку. Раённая камісія падводзіць вынікі выбараў і паведамляе вынікі галасаваньня.

Парламент пераабіраецца 1 раз у 2 гады.

Маладзёжны парламент Добрушскага раёна дзейнічае на базе ДУА "Добрушскі раённы цэнтр дадатковай адукацыі".